Новы прэзыдэнт ЗША як падручнік ангельскай мовы

З дапамогай прамоваў Барака Абамы японцы вырашылі падвысіць узровень ангельскай. Зборнік прамоваў амэрыканскага прэзыдэнта ператварыўся ў мегагіт у Японіі. Ужо прададзена больш за 400 000 копій.

Яшчэ адна грань таленту прэзыдэнта ЗША Барака Абамы выявілася дзякуючы японцам, што вывучаюць ангельскую мову. Кніга, якая складаецца з прамоваў прэзыдэнта, стала ў Японіі бэстсэлерам. Школы ангельскай мовы ў Токіё паглынула хваля абамаманіі: цяпер японцы ўважліва слухаюць прамовы прэзыдэнта, а самыя цікавыя выразы нават імкнуцца запомніць.

Барак Абама скарыў японцаў, якія прызвычаіліся да непрыкметных і шэрых кардыналаў, што дамінуюць на мясцовай палітычнай сцэне, сваімі зразумелымі і дакладнымі прамовамі. Асабліва ўпадабаліся японцам словы, якія дэманструюць характар Барака Абамы. Напрыклад Perseverance — упартасьць.

Японцы вылучаюць тэхніку мовы Абамы, яе рытм, што гучыць для іх вельмі прывабна. Падаецца, выява Барака Абамы ўжо трывала замацавалася на паліцах такійскіх кнігарняў. Зрэшты, як і на паліцах газэтных шапікаў.

І калі вы падыдзеце да японца, што ўпарта ўдасканальвае сваю ангельскую ў кампаніі з амэрыканскім прэзыдэнтам, то на пытаньне «ці разьлічваеце вы на посьпех у вывучэньні ангельскай?» рызыкуеце пачуць простае «Yes we can!» («Так, мы можам!»).

Паводле BBC