Нямецкія навукоўцы абвясьцілі, што пераадолелі хуткасьць сьвятла

Два нямецкія фізыкі на падставе сваіх экспэрымэнтаў заявілі, што здолелі паламаць хуткасьць сьвятла, то бок павялічыць яе вышэй за 300 тыс. км/с. Такім чынам, калі іх досьледы будуць пацьверджаныя, можа быць парушанае ўсё разуменьне прасторы і часу, якое грунтуецца зараз на тэорыі рэлятыўнасьці Эйнштэйна.

Нямецкія навукоўцы з унівэрсытэта Кобленц-Ландаў Гюнтер Німц (Guenter Nimtz) і Альфонс Штальхофэн (Alfons Stahlhofen) заявілі часопісу NewScientist, што ў іх атрымалася надаць фатону хуткасьць, якая перавышае хуткасьць сьвятла, і тым самым паставіць пад сумнеў адмысловую тэорыю рэлятыўнасьці Эйнштэйна.

Фізыкі праводзілі экспэрымэнт па перамяшчэньні фатонаў паміж двума прызмамі. Спачатку прызмы былі злучаныя, адлюстраваныя фатоны улоўліваліся адмысловым дэтэктарам. Пасьля прызмы рассоўваліся прыкладна на мэтар, але некаторыя фатоны, адбівальныя ад далёкай прызмы, дасягалі дэтэктара адначасова з фатонамі, адбівальным ад блізкай, гэта значыць пераадольвалі адлегласьць паміж прызмамі імгненна, як быццам бы прызмы усе яшчэ былі злучаныя.

Тым самым фатоны перавышалі максымальна магчымую хуткасьць у Сусьвеце – 300 тысяч км/с. Німц і Штальхофэн тлумачаць гэта адмысловым законам квантавай мэханікі – тунэльным эфэктам, які, па іх меркаваньню, дазваляе пераадолець бар'ер, які усталёўваецца адмысловай тэорыяй рэлятыўнасьці: для перавышэньня хуткасьці сьвятла патрабуецца прыкласьці бясконца вялікую энэргію.

Магчымасьць падарожнічаць са звышсьветлавой хуткасьцю вядзе да здыманьня шматлікіх абмежаваньняў на уласьцівасьці прасторы і часу, якія усталёўваюцца сучаснай навукай. Тэарэтычна, цела, якое перамяшчаецца хутчэй сьвятла, можа вярнуцца ў пачатковую кропку да таго, як яно пачало рух, гэта значыць зьдзейсьніць падарожжа ў часе.

Гюнтер Німц займаецца праблемай перадачы інфармацыі са звышсьветлавой хуткасьцю ужо больш 15-ці гадоў. Раней ён праводзіў дасьледаваньні ў Кёльнскім унівэрсытэце, зараз ва унівэрсытэце Кобленц-Ландаў, заснаваным у 1990 году.