У стылістычны дапаможнік для ангельскамоўных СМІ унесеная сур’ёзная зьмена: з гэтага часу у мэдыях рэкамендуецца пісаць скарачэньне ад «электронная пошта» як email, а не e-mail. Злучок, аказваецца, ёсьць «рэліктам старых часоў, калі інтэрнэт-тэхналогіі трэба было тлумачыць чытачам вельмі асьцярожна».

Слова «Unfriend» альбо «адфрэндзіць» стала словам году ў ЗША па вэрсіі выдавецтва Oxford University Press. «Адфрэндзіць» было выбранае лінгвістамі сярод іншых слоў-фіналістаў, якія збольшага зьвязаныя зь Сецівам.