Так званы «Унівэрсытэт сінгулярнасьці» будзе рыхтаваць спэцыялістаў для вырашэньня глябальных праблемаў чалавецтва ў эпоху хуткага тэхналягічнага прагрэсу: глябальнае пацяпленьне і энэргетычныя праблемы побач з голадам і хваробамі. Сярод плянуемых курсаў тэмы з розных сфэраў ведаў: біятэхналёгіі, нанатэхналёгіі, штучны інтэлект, этыка і многія іншыя.

NASA дало магчымасьць інтэрнэт-карыстальнікам вырашаць, на што наступным разам зьвярнуць увагу легендарнаму касьмічнаму тэлескопу «Хабл». Акцыя ладзіцца ў межах міжнароднага году астраноміі — любы карыстальнік можа прагаласаваць за адну з шасьці магчымых мэтаў: яшчэ не сфатаграфаваныя «Хаблам» галяктыкі, плянэтарныя туманнасьці і рэгіён з актыўным зораўтварэньнем.

Ужо месяц на Чырвонай плянэце працуе зонд Phoenix у пошуках адказу на пытаньне «ці ёсьць жыцьцё на Марсе?». Найпершай задачай зьяўляюцца пошукі вады, бо дзе вада — там жыцьцё. А апошнія вынікі хімічнага аналізу марсіянскага грунту сьведчаць, што жыцьцё там цалкам магло быць. «Жыцьцё зямнога тыпу было б шчасьлівае існаваць на гэтай глебе», — заявіў адзін з дасьледнікаў з каманды NASA.

Сёньня на Марс прызямліўся касьмічны апарат «Фэнікс» і пачаў дасылаць першыя фотаздымкі на Зямлю. З дапамогай гэтага зонду, які быў запушчаны яшчэ ў жніўні мінулага году, навукоўцы хочуць знайсьці сьляды вады. Тады можна будзе даць самы дакладны на сёньня адказ на пытаньне: ці ёсьць жыцьцё на Марсе.

Астраномы з абсэрваторыі Хобі-Эбэрлі ў Заходнім Тэхасе (ЗША) вынайшлі чарговую плянэту, якая месьціцца за межамі Сонечнай сыстэмы. На сёньня вядома каля 220 такіх плянэтаў, але выяўленая мае арбіту як у Зямлі і аварочваецца вакол зоркі – чырвонага гіганта, які знаходзіцца на перадапошняй стадыі сваёй эвалюцыі. Сытуацыя моцна нагадвае Зямлю і Сонца, але ў будучым.

Дасьледнікі змаглі растлумачыць таямнічы фэномэн, зьвязаны з Сонцам, які не даваў спакою навукоўцам на працягу стагодзьдзя. Дагэтуль астраномы не маглі зразумець, чаму верхнія часткі сонечнай атмасфэры маюць больш высокую тэмпэратуру ў параўнаньні з ніжняй часткай паверхні.

Любіце добрыя фотаздымкі космасу? На жаль, новых якасных здымкаў давядзецца чакаць амаль год, бо асноўная камэра касьмічнага тэлескопа «Хабл» перастала працаваць з-за праблемаў з электрычнасьцю.

Адвечнае пытаньне пра жыцьцё на Марсе хвалюе ня толькі навукоўцаў. Амэрыканскае касьмічнае агенцтва NASA аб’явіла аб знаходжаньні на Марсе сьведчаньняў таго, што на ягонай паверхні ў апошнія пяць год цякла вада.