Раней студэнты і навучэнцы маглі 2 разы на месяц папрасіць кампэнсацыю квіткоў за паездку дадому толькі ў выхадныя і сьвяточныя дні. Цяпер матэрыяльная дапамога на праезд будзе аказвацца навучэнцам і студэнтам дзённага з 1 верасьня па 30 чэрвеня ў любы дзень тыдня.

Доступ да Інтэрнэту ў грамадзкім транспарце зьбіраецца арганізаваць адна з аўтамабільных кампаній празь сетку «інтэрнэтызаваных» маршрутак. Плянуецца, што мікрааўтобусы з выйсьцем у Сеціва будуць курсіраваць па ўсёй Беларусі.

У 15 віленскіх тралейбусах, якія ходзяць па папулярным студэнцкім маршруце № 19, зьявіўся бясплатны Wi-Fi. Даехаць на такім тралейбусе можна ў тым ліку і да беларускага Эўрапейскага гуманітарнага ўнівэрсытэту.

Да канца году колькасьць кантралёраў у грамадзкім транспарце Менску павялічыцца ў два разы. А для таго, каб праца навічкоў пайшла лягчэй, будучыя кантралёры трапяць на псыхалягічныя трэнінгі па камунікацыях з пасажырамі.

У трамваях, тралейбусах і аўтобусах сталіцы хутка зьявяцца прыборы, якія будуць працаваць з электроннымі праязнымі. Пасьля гэтага праехацца і ў мэтро, і ў аўтобусе можна будзе па адзіным квітку, а кандуктары могуць зьнікнуць назаўжды. Зьмены чакаюцца глыбокія, таму транспартнікі ўжо зараз прапануюць «маральна» рыхтаваць да іх пасажыраў.

Каб канчаткова перамагчы зайцоў, зь лета ў Вільні ўводзяцца новыя правілы пасадкі ў грамадзкі транспарт. Цяпер заходзіць прыйдзецца празь пярэднія дзьверы.

Цяпер і ў Беларусі можна празь Інтэрнэт набыць квіток на цягнік, праглядзець яго кошт, а таксама забраняваць і падабраць месца. Новы сэрвіс каштоўны актуальнай інфармацыяй аб цягніках.

Калі ў нядзелю, 15 чэрвеня, пры ўваходзе ў аўтобус ці тралейбус, незнаёмыя пасажыры на выхадзе будуць перадаваць вам прабіты талёнчык — не зьдзіўляйцеся. Бярыце, а лепей далучайцеся да акцыі. Такім чынам група энтузіястаў спрабуе прыцягнуць увагу да прынятага роўна паўгады таму ўказу пра адмену ільготаў.

Увядзеньне забароны на ўжываньне сьпіртных напояў у грамадзкім транспарце лёнданцы сустрэлі агромністай паці, а дакладней — правялі «Апошні рэйс у падземцы». Вясёлы флэш-моб быў ініцыяваны праз Facebook. Вечарам 31 траўня тысячы людзей спусьціліся ў лёнданскае мэтро: хто з півам, хто з шампанскім ці марціні. Праўда, вясёлыя намеры скончыліся арыштамі.

Матэрыяльную дапамогу на аплату праезду ў гарадзкім транспарце атрымаюць іншагароднія студэнты і студэнты дзённай формы, у чыіх сем’ях сярэдні даход на чалавека меней бюджэту пражытковага мінімуму.­