Склад моладзевых парлямэнтаў, утвораных у гэтым годзе ў некаторых абласных цэнтрах і Менску, нагадвае формулу савецкіх часоў: школьнікі і студэнты на выбарах у гэтыя дарадчыя органы прагаласавалі за «блёк камуністаў і беспартыйных». Альбо ў сучаснай вэрсіі даўніх выбараў — за БРСМаўцаў, піянэраў і актывістаў «навучальніцкага самакіраваньня».

Учора ў Эўрапейскім гуманітарным ўнівэрсытэце адбыліся пазачарговыя выбары прэзыдэнта студэнцкага прадстаўніцтва ВНУ. На пасадзе кіраўніка студэнцкага самакіраваньня яе былога прэзыдэнта Максіма Мілта зьмяніў трэцякурсьнік Гаўрыіл Смагаржэўскі.

Адбылося гэта на цырымоніі падпісаньня пагадненьня паміж БРСМ і студсаюзам БДУ. Прадстаўнікі «самакіраваньня» дамовіліся разам «рэалізоўваць дзяржаўную моладзевую палітыку».

Студэнцкую раду з кансультатыўнымі функцыямі пры мэрыі неўзабаве створаць у Менску. Яе сяброў ужо «папярэдне» выбралі ў сталічных ВНУ пры дапамозе БРСМ.

Заўтра адбудзецца візыт міністра асьветы і навукі Літвы ў Эўрапейскі гуманітарны ўнівэрсытэт, супраць студэнтаў якога, як раней паведамлялася, «узбуджаная судовая справа Літоўскім саюзам студэнтаў».

Прэзыдэнт Саюзу студэнтаў Літвы Дэйнюс Дікшайціс падаў у суд на студэнтаў Эўрапейскага гуманітарнага ўнівэрсытэту ў Вільні.

На выходных у Менску прайшла адна з найбольш нетыповых падзей апошніх гадоў: адкрытая студэнцкая канфэрэнцыя «Вышэйшая адукацыя Беларусі вачамі студэнтаў», дзе прадстаўнікі розных унівэрсытэтаў і арганізацый шчыра дзяліліся меркаваньнем аб тым, што адбываецца зь імі, беларускай адукацыяй і краінай агулам. Па выніках канфэрэнцыі студэнты вырашылі неадкладна дзейнічаць. Праўда, якім чынам, яшчэ трэба будзе прыдумаць.

Студэнты Эўрапейскага гуманітарнага ўнівэрсытэту скончылі працэдуру рэгістрацыі ўласнага самакіраваньня. Цяпер студэнцкае прадстаўніцтва ЭГУ прызнанае ў Літве на афіцыйным узроўні.

Уплыў студэнцкага самакіраваньня на Ўкраіне расьце. Кампанія за распаўсюджваньне дзеяньня льгот на праезд студэнтаў у грамадзкім транспарце прынесла плён — Кабінэт Міністраў Украіны падрыхтаваў праект пастановы, якая ўлічвае патрабаваньні Ўкраінскай асацыяцыі студэнцкага самакіраваньня.

Ва ўкраінскім парлямэнце зарэгістраваны законапраект, паводле якога адлічаць студэнтаў будуць толькі са згоды студэнцкага самакіраваньня. Таксама бяз яго згоды нельга будзе прызначыць намесьніка дэкана.