Польшча заявіла аб гатоўнасьці даць магчымасьць беларускім студэнтам, «выключаным зь беларускіх навучальных установаў за ўдзел у маніфэстацыях супраць існуючага рэжыму», бясплатна давучыцца ў Польшчы. Міністар адукацыі гэтай краіны ўжо выступіла з адпаведнай заявай, дадаўшы, што адпаведнае фінансаваньне таксама будзе забясьпечанае.

Студэнты-стыпэндыяты праграмы імя Каліноўскага зьвярнуліся ў Эўрапейскую асацыяцыю ўнівэрсытэтаў з просьбай спыніць сяброўства Гарадзенскага дзяржаўнага ўнівэрсытэта імя Янкі Купалы ў асацыяцыі.

Кіраўніка Саюзу беларускіх пісьменьнікаў Алеся Пашкевіча звольнілі з пасады дацэнта на філялягічным факультэце Белдзяржунівэрсытэту.

Сёньня студэнтаў БНТУ, якія былі затрыманыя на плошчы Каліноўскага ў часе акцыяў 19-25 сакавіка, выклікалі ў рэктарат, дзе зь імі размаўляў старэйшы ўпаўнаважаны КДБ Сьвістун Дзьмітры Міхайлавіч. 

Урады Францыі, Аўстрыі, Славакіі, Латвіі і Эстоніі гатовыя стварыць умовы для атрыманьня ў сваіх краінах адукацыі беларускім студэнтам, якія былі адлічаны з навучальных устаноў Беларусі за ўдзел у акцыях пратэсту, зьвязаных з аспрэчваньнем вынікаў прэзыдэнцкіх выбараў. Пра гэта сёньня паведамілі ў штабе лідэра аб’яднанай апазыцыі Аляксандра Мілінкевіча.

Урад Эстоніі на паседжаньні ў чацьвер прыняў рашэньне навучаць за кошт бюджэту беларускіх студэнтаў, на якіх вядзецца ўціск па палітычным перакананьням.

Трохдзённае паседжаньне суда Тацяны Хома супраць БДЭУ завершылася адмовай. Судзьдзя Заводзкага раёну Менску Ірына Мардовіч адхіліла скаргу студэнткі на рашэньне рэктара аб выключэньні. Сёньня ж прадстаўнік унівэрсытэта, юрысконсульт Віктар Сьпіраў заявіў, што яны здымаюць сваю прапанову Тацяне аб аднаўленьні ў БДЭУ на наступны год на платнай аснове.

Артыкул tarki (на фота) пра сустрэчу студэнтаў, затрыманых у часе мірных акцыяў пратэсту ўвесну 2006 і асуджаных на суткі ў спэцпрыёмніку-разьмеркавальніку па вул. Акрэсьціна, з прадстаўнікамі МУС, якія наладзілі там ідэалягічную гадзіну. Да артыкула прыкладзены таксама малюнак з гэтай сустрэчы.

Бэльгійскія студэнты правялі акцыю салідарнасьці ў Брусэлі, накіраваную на прыцягненьне ўвагі да праблемы парушэньня правоў студэнтаў на Беларусі. Студэнты зьбіраюцца зьвярнуцца да афіцыйных структураў Эўропы і іншых студэнцкіх арганізацыяў па падтрымку.

Паводле Радыё Свабода, “прэм’ер-міністар Польшчы Казімеж Марцінкевіч адгукнуўся на заклік прадстаўнікоў беларускай апазыцыі дапамагчы студэнтам, якіх выключаюць з ВНУ за ўдзел у акцыях пратэсту. Кіраўнік польскага ўраду заявіў, што такія студэнты могуць разьлічваць на дапамогу Польшчы.”