У Варшаве сёння праходзіць канферэнцыя прысвечаная дачыненню правоў чалавека і высокіх тэхналогій. Польскія, нідэрляндскія і беларускія адмыслоўцы падзеляцца сваім досведам у жывым эфіры.

Праваабарончы цэнтр «Вясна» абвяшчае конкурс ілюстрацый, калажоў, фотаздымкаў, відэаролікаў, слоганаў на праваабарончую тэматыку ды выраб hand-made паштовак для палітвязняў.

Такія фундамэнтальныя правы чалавека, як права на свабоду слова і думкі цяпер афіцыйна распаўсюджваюцца і на Інтэрнэт. Гэта ў адмысловай рэзалюцыя прызнала Рада ААН па правах чалавека. Адзін з распрацоўшчыкаў дакумэнту міністар замежных справаў Швэцыі назваў прыняцьце дакумэнту «перамогай Інтэрнэту».

Беларусь, Армэнія, Украіна і Малдова на грошы Эўрапейскага зьвязу адчыняюць сумесную бясплатную праграму падрыхтоўкі магістраў «правоў чалавека і дэмакратызацыі». Беларускі дзяржаўны ўнівэрсытэт, рэктар якога ня можа трапіць у ЭЗ з-за палітычных адлічэньняў студэнтаў і парушэньня акадэмічных свабодаў, будзе адказны за «палітычны модуль».

Стынг, які наведаў Менск з канцэртам 18 верасьня ў межах свайго сусьветнага туру, падтрымаў намаганьні праваабаронцаў у барацьбе за адмену сьмяротнага пакараньня ў Беларусі. «Час гэта зьмяніць», — сказаў Стынг у сваім відэазвароце.

Выпускнік БНТУ Ільля Сеньнікаў, разьмеркаваны ў барысаўскі будтрэст, падаў скаргу ў Камітэт ААН па правах чалавека пасьля таго, як беларускі суд пастанавіў спагнаць з маладога спэцыяліста 13 мільёнаў рублёў за адмову адпрацоўваць па прымусовым разьмеркаваньні. Былы студэнт лічыць, што яго змусілі да прымусовай працы і парушылі яго права на справядлівы суд.

Двухдзённае навучаньне пройдзе ў Менску ў канцы лютага. У Школцы прымуць удзел студэнты і маладыя актывісты зь Беларусі, Расеі і Ўкраіны. Да ўдзелу запрашаюць грамадзкіх актывістаў, праваабаронцаў, а таксама ўсіх зацікаўленых у азнаямленьні з асновамі правоў чалавека і правоў студэнтаў.

Да дня прыняцьця Усеагульнай дэклярацыі правоў чалавека Беларускі Дом правоў чалавека ў Вільні ладзіць фотаконкурс на тэму правоў чалавека. Будзе дзьве намінацыі: найлепшае прафэсійнае фота і найлепшае аматарскае фота. Працы будуць уключаныя ў экспазыцыю «Правы чалавека праз аб’ектыў фотакамэры», што пройдзе ў Вільні, а пераможцы конкурсу атрымаюць каштоўныя прызы.

Калі цябе хвалююць праблемы чалавецтва і ты неабыякава ставісься да парушэньняў правоў іншых людзей, калі ты малады й крэатыўны — твой погляд змогуць убачыць тысячы людзей. Міжнародный кінафэстываль, прысьвечаны правам чалавека, абвяшчае прыём працаў: фільмаў, ролікаў і мультфільмаў, — аўтарам якіх меней за 19 год.