Фан-клюб гурта S°unduk абвесьціў конкурс на лепшы птушыны домік. «Сундукаўцы» сьвяткуюць 1 красавіка ня толькі дзень усіх жыцьцярадасных людзей, а й сьвята экалягічнага календара — час вяртаньня птушак з выраю.

Прывітаньне ўсім добрым людзям! З Калядамі! Як вы там? Ня зьмерзьлі ці што? Ці не занесла вас «даўгашэрсным сьнегападам»? Ці ўсе навагоднія задумкі ўдаліся? Ці ўсё падарункі спадабаліся? Спадзяемся, што ўсё ў вас атрымалася, і ўсе жаданьні спраўдзіліся або паволі спраўджваюцца, што мандарынавы настрой ўсё яшчэ Вас не пакінуў, а ў хаце ўсё яшчэ пахне елкай! У нас жа для вас ёсьць маленькія навагоднія падарункі-навіны.

2 кастрычніка ў Палацы культуры вэтэранаў адбылася прэзэнтацыя новага праекту Ганны Хітрык — S*unduk. Гэта быў першы Ганьнін выхад на музычную сцэну пасьля прыпыненьня дзейнасьці вядомага гурта «Дзецідзяцей». Маючы больш, чым трохгадовую гісторыю посьпеху і тры альбомы на сваім рахунку, гурт спыніў існаваньне ў чэрвені, тым самым павергнуўшы ў шокавы стан сталых прыхільнікаў. Працягам музычнай самарэалізацыі для Зьмітра Есяневіча і Міхаіла Зуя стаў новы праект «Или-или», які ў бліжэйшы час выступіць з канцэртам. А ўражаньні ад першага выступу S*undukа чытайце ў рэпартажы.

А вось і доўгачаканая навіна ад музыкаў гурта «Дзецідзяцей», якія з пачатку лета аглушылі ўсіх прыхільнікаў навіной пра спыненьне дзейнасьці і сыход у бестэрміновы адпачынак. Ганна Хітрык, Юлія Глушыцкая, Павал Чымбаевіч, Андрэй Сапаненка, а таксама гітарыст Клім Лукьянёнак падрыхтавалі цалкам новую праграму знаёмай і любімай усімі творчасьці. Прэзэнтацыя «Сундука» пройдзе 2 кастрычніка, а пра што ён — чытаем у аповедзе, дзе добра пазнаецца стыль Ганны Хітрык.