Агітацыйны плякат у холе Гомельскага дзяржаўнага мэдыцынскага ўнівэрсытэта

Замежныя студэнты Гомельскага дзяржаўнага мэдыцынскага унівэрсытэта сёньня ня вышлі на заняткі. Замест параў яны сабраліся ў актавай залі і запатрабавалі правесьці сустрэчу зь міліцыяй з нагоды «пастаяннага іх прыгнёту па расавых прыкметах». Адміністрацыя ўнівэрсытэта раней моцна ганарылася, тым што замежным студэнтам у Гомелі нібыта ўтульна і спакойна. «В Гомеле нет, не было и никогда не будет национальной или религиозной вражды», — напісана на агітацыйных плякатах у холе навучальнай установы.