Сумесны музычны праект сьпявачкі Тані Кушнер, лідэра «Без Билета» Віталя Артыста і кліпмэйкера Мацея Сабурава атрымаў назоў Slowmotion. Гурт рыхтуе да хуткага рэлізу максі-сынгл, запусьціў сайт ды прэзэнтаваў дэбютны кліп «Bystander».

7 лістапада можна будзе ўбачыць, як да канцэртнай залі «Мінск» пад’едзе аўтамабіль зь Віталём Артыстам за стырном і аўтарам лепшага фан-відэа на песьню «Без Билета» ў якасьці пасажыра. Да гэтага лідэр «безьбілетнікаў» пад’едзе наўпрост да пад’езду, у якім жыве прыхільнік, альбо сустрэне яго на вакзалі. Творчы конкурс аматарскіх кліпаў гурт абвясьціў напярэдадні свайго штогадовага сьвята Дзень Безьбілетніка.

Халодным зімова-вясновым вечарам я стаю і чакаю Віталіка каля аднаго зь менскіх кінатэатраў. Вакол яшчэ шэра і зябка. Мой позірк спрабуе зачапіцца за людзей навокал, якія сьпяшаюцца на сэанс ці то проста дадому, але шэрасьць і аднастайнасьць вечаровых вобразаў прывабіць безнадзейна няздольныя. І тут зьяўляецца ён — яркі, аранжавы, загарэлы. «Суцэльная Афрыка», — думаю я і ўсьміхаюся.

Такі настрой панаваў 14 лютага ў малой залі к/з «Менск» на сольным канцэрце лідэра гурта «Безь Білета» Віталя Артыста. «Адзін кватэрнік» прайшоў у выглядзе імправізаванай рэпэтыцыі, творчага экспэрымэнту зь сяброўскім «паказам талентаў з хорам менскай публікі», запісамі новых варыяцыяў песень і запальваючымі танцамі. Рэпартаж з насамрэч незвычайнага вечару — на Generation.bY.

У дзень Сьвятога Валянціна лідэр «Без Билета» Віталь Артыст ладзіць сольны канцэрт «Адзін Кватэрнік» у малой залі к/з «Мінск».

Гледачоў «Рок-каранацыя 2008» сустрэла выступам сымфанічнага аркестру, а музыкаў навінамі пра недастатковы гук і магчымасьць прысутнічаць у залі толькі ў часе свайго выступу — увесь канцэрт музыкі пратусаваліся ў агульнай грымёрцы, бо ў залю з бэджам «удзельнік» не пускалі. А паколькі ў праграме сёлетняй Рок-каранацыі было 12 гуртоў, то імпрэза ад пачатку падзялілася на «аркестравую ў залі» і «рокавую ў грымёрцы».

«Гурт году», «Альбом году» і «Песьня году» — тры кароны з васьмі атрымаў «Ляпіс Трубяцкой» на цырымоніі «Рок-каранацыя 2008». У гурта «Безь Білета» — дзьве кароны, яшчэ па кароне ў «Троіцы», «ДзеціДзяцей» ды Esprit.

За ноч у Менску зьнятыя кліпы на песьні да новага супольнага музычнага праекту ў стылі 60-х. У аб’ектывах відэакамэраў у яркіх вобразах запальвалі вядомыя музыкі, акторы, а таксама прыгожыя й калярытныя гледачы. Што адбывалася па-за сцэнай — у дадатковым фотарэпартажы Generation.bY.

Супольны музычны праект у стылі 60-х, песьні да якога напісаў Лявон Вольскі, на завяршальным этапе падрыхтоўкі. У Менску прайшлі здымкі відэа-кліпаў да ўсіх 11 песень з унікальнага праекту. Лявон Вольскі, Павал Булатнікаў, Алег Хаменка, Уладзімір Пугач, Віталь Артыст, Сьвятлана Зелянкоўская, Ганна Хітрык, Руся, Воля Самусік і іншыя — у эксклюзіўным «начным» фотарэпартажы Generation.bY героі новага музычнага праекту на здымачнай пляцоўцы ў шыкоўных вобразах 60-х.

З поўным аншлягам адсьвяткаваў гурт beZ bileta заснаваны ім жа «Дзень Безьбілетніка». 7 лістапада ў менскі «Рэактар» трапіць было складана. Нагодаў для сьвята было шмат: Дзень бізьбілетніка, здымкі непасрэдна на канцэрце відэа для будучага кліпа Безь Білета на песьню «Дзьве лодкі», а яшчэ ў гэты вечар лідэр гурта Віталь Артыст прэзэнтаваў сольны інструмэнтальны альбом «Не безь білета».