Завяршэньне здымак «першага моладзевага сэрыялу» пра беларускую музыку, краіну і СНІД «Вышэй за неба» яго стваральнікі адзначылі скандалам: у блогу праекта зьявілася сьцьверджаньне аб фактычнай забароне рэжысэрскай вэрсіі фільму і адхіленьні здымачнай групы ад далейшай працы над праектам. У допісе сьцьвярджаецца, што прадукт, створаны Андрэем Курэйчыкам пры ўдзеле Vinsent’а, Аляксандра Кулінковіча, Алега Хаменкі, Дар’і Домрачавай і многіх іншых вядомых беларусаў, аказаўся пад фактычнай забаронай.

Сёньня ў Менску пачаліся здымкі моладзевага сэрыялу пра беларускую музыку, краіну і СНІД. У іх возьмуць удзел вядомыя музыкі, акторы і спартсмэны, у тым ліку рэпэр Вінсэнт, лідэр «J:Морс» Уладзімір Пугач, шоўмэн Яўген Булка, знакамітыя спартсмэнкі Аляксандра Герасіменя і Дар’я Домрачава.