За апошнія некалькі гадоў амаль ва ўсіх суседніх з Беларуссю краінах сталіцы займелі ўласныя пункты грамадскага пракату ровараў, якія звычайна спансуе мэрыя і дае магчымасць гараджанам і турыстам карыстацца роварамі кароткі час, што ў сваю чаргу паляпшае стан транспартнай інфраструктуры і экалогіі. На днях такі сервіс адчыніўся ў Вільні, да гэтага — у Маскве, Варшаве і Рызе.

Калі не ўлічваць Маскву, Менск можна назваць найменш бясьпечнай сталіцай эўрапейскага кантынэнту. Такую выснову робяць складальнікі рэйтынгу ўзроўню асабістай бясьпекі гарадоў сьвету, апублікаваным амэрыканскай кампаніяй Mercer. Паводле той жа кампаніі, Менск ня самы лепшы горад для жыцьця — у сьпісе гарадоў найлепшых для жыцьця ён заняў 182-е месца з 221-о магчымага.

Студэнцкі асяродак Эўропы працягвае бурліць: распачатыя захопам унівэрсытэцкіх будынкаў у Вене, пратэсты хутка перакінуліся ў Нямеччыну, Швэйцарыю, былі падтрыманыя італьянскімі актывістамі. Свой пратэстны рух аўстрыйскія студэнты назвалі «Унівэрсытэт гарыць!» Пратэстуючыя дамагаюцца зьменаў у фінансавай палітыцы ўнівэрсытэтаў і Балоньскай сыстэме.

21-гадовая дзяўчына, да якой перайшоў тытул Міс Англіі з-за ўдзелу ў бойцы папярэдняй уладальніцы гэтага званьня, адкладае камандзіроўку ў Аўганістан дзеля ўдзелу ў конкурсе Міс Сусьвет. Да таго ж самай прыгожай жыхарцы Англіі, якая вядомая сярод таварышаў па службе як «Баявая Барбі», дазволілі сысьці ў адпачынак, каб як сьлед падрыхтавацца да адказнага спаборніцтва.

Рэклямны ролік Dove за натуральную прыгажосьць Unilever стаў фаварытам сярод простага люду, тобок, зачапіў мэтавую аўдыторыю – спажыўцоў. Ня самыя дасканалыя жанчыны адчулі сябе больш упэўнена, увераваўшы ў «Real Beauty»… І ўсё бы добра, але распачалася вірусная анты Dove кампанія. Ролік Evolution кампаніі Ogilvy & Mather выклікаў яшчэ большае захапленьне.