Міжнародны хакатон Garage48 пройдзе сёлета ў Віцебску ў дзень праграмістаў
У чарговы раз у Беларусі і першы раз у Віцебску, пройдзе падзея міжнароднага маштабу для стартапаў і ІТ прафесіяналаў — хакатон Garage 48. З 12 па 14 верасня ў Віцебску ўдзельнікі гэтай падзеі збяруцца, каб ўвасобіць свае ідэі ў прататыпы гатовага прадукту.
Як гэта было ў Менску: 48 гадзін, каб зрабіць стартап: фотарэпартаж з хакатона Garage48
Дапамогуць ім у гэтым міжнародныя ментары. На ўсё пра ўсё адводзіцца 48 гадзін, і працаваць хлопцы будуць бок аб бок у камфортных умовах, але вельмі напружана. Адсюль і назва — Garage 48. Гісторыя праекту пачалася ў Эстоніі дзякуючы ініцыятыве 6 прадпрымальнікаў, цяпер гэта мерапрыемства праходзіць і ў многіх краінах Еўропы, а таксама Блізкага Ўсходу і Афрыкі.
Асаблівасцю хакатона Garage48 ў Віцебску ў тым, што разам з мясцовымі хлопцамі ў камандах будуць працаваць стартапы з Мінска, а таксама Балтыйскіх краін: Эстоніі, Латвіі, Літвы.
Усё пачынаецца ў пятніцу ўвечары, калі збіраюцца ўдзельнікі, а таксама ментары і інвестары, журналісты. Жадаючыя выказваюць свае ідэі, затым вакол ідэі збіраецца каманда. Яна павінна быць паўнавартаснай, г.зн. павінны быць прадстаўлены ўсе ролі (дызайн, праграмаванне, бачанне прадукту, маркетынг). Ужо ў нядзелю каманды выступаюць з прэзентацыямі сваіх прадуктаў і журы вызначае лепшых.
Арганізатары хакатона Garage48 ў Беларусі - супольнасць Startup Belarus (http://facebook.com/startupbelarus) і Бізнес-клуб / Startup HUB Imaguru. Арганізатары ў Віцебску - DevOWL Meetup.
Garage48 ў Беларусі праславіўся такімі праектамі як MetricsCat, TrackDuck. TrackDuck заснавальнікі — таленавітыя хлопцы з Літвы і Беларусі сустрэліся на хакатоне, і ўжо праз 4 месяцы праект TrackDuck атрымаў фінансаванне і прызы на розных стартап-конкурсах у Еўропе.
Garage 48 дае магчымасць папрацаваць у камандзе, ўвасобіць ідэі, якія магчыма ўжо даўно ў вас меліся, у жыццё. Але самае цікавае — хакатон збірае удзельнікаў розных краін:
Беларусі, Літвы, Эстоніі і не толькі.
Для ўдзелу запрашаюць:
- Вэб-дызайнераў
- Front-End распрацоўшчыкаў - HTML / CSS / AJAX / JS
- Back-End / Mobile распрацоўшчыкаў
- Маркетынг спецыялістаў і спецыялістаў па продажах
- Team-лідэраў і прадпрымальнікаў
Зарэгістравацца і купіць квіткі можна праз eventbrite (http://www.eventbrite.com/e/garage48-tickets-12088993505). Альтэрнатыўны варыянт — аплаціць квіток у клубе IMAGURU.
Кошт квітка пакрывае удзел, ментарскім сесіі, інтэрнэт, магчымасць застацца на ноч, а таксама харчаванне, закускі і напоі і фінальную вечарынку!
Дзе:
Анты-кафэ 7 пакояў, вул. Леніна, 74, г. Віцебск
Калі:
12-14 верасня
Пытанні: minsk@garage48.com, + 375-29-25-1213-7