Сьцяна Цоя вернецца ў Менск
Сьцяна Цоя будзе адноўленая насупраць КЗ «Мінск» «пасьля наступленьня спрыяльных пагодных умоваў». Вяртаньня сьцяны дамагліся грамадзкія актывісты праз збор подпісаў.
Прыхільнікі Цоя абмяркоўваюць магчымасьці аднаўленьня «Сьцяны» ў іншым месцы. Фота Юры Сідуна.
Сьцяна Цоя зьявіцца ў сквэры на вуліцы Беларускай (раён КЗ «Мінск» і стадыёну «Дынама») «пасьля наступленьня спрыяльных пагодных умоваў». Аб гэтым паведамляе «Вечерний Минск» са спасылкай на кіраўніка аддзелу архітэктуры і горадабудаўніцтва адміністрацыі Ленінскага раёну Менска Аляксандра Чарняўскага.
Аднаўленьня сьцяны дамагліся актывісты, якія арганізавалі збор подпісаў і прапанавалі гарадзкой мэрыі месца для яе разьмяшчэньня. Рашэньне вярнуць сьцяну было прынятае яшчэ напрыканцы мінулага году.
Так выглядала «Сьцяна Цоя» у Менску. Фота зь Wkipedia.org
«Сьцяна Цоя» зьявілася ў Менску амаль адразу пасьля сьмерці
У такім выглядзе «Сьцяна» праіснавала да 1997 году. Тады будоўля ўрэшце была скончаная і агароджу разабралі. З двух плітаў аднак вырашана было зрабіць новую «Сьцяну Цоя», якую перанесьлі за музэй Вялікай Айчыннай Вайны. Тут яна і прастаяла да пачатку будоўлі гатэлю на Кастрычніцкай плошчы — верасьня 2008 году.