Юля Каляда з Горадні цалкам адпавядае вобразу, якім пужаюць сябе і сваіх дзетак ціхія прыстасаванцы ў навакольным асяроддзі найноўшай беларускай гісторыі: змагарка са злом, выхаваная рамантычнымі кнігамі, якая змяніла цэлы шэраг розных прафесій і сфер у пошуках той, дзе не ашукваюць людзей. Перакананая вегетарыянка, якая жыве без алкаголю і кінула кар’еру ў падаткавай інспекцыі, відэаператарка, фатограф, эколаг, барменка, рэкламны агент, журналістка, прадзюсарка і актывістка веларуху — у серыі Generation.by «Кім я стану, калі вырасту».