Наступнае выданьне буйнейшага Оксфардзкага слоўніка ангельскай мовы магчыма ніколі ня будзе надрукаванае на паперы з-за ўзьдзеяньня Інтэрнэту на продажы кніг.

Прадстаўнікі кампаніі Sony лічаць, што празь пяць гадоў электронныя кнігі будуць дамінаваць над звычайнымі. Тым часам, продажы электронных кніг на буйнейшай інтэрнэт-краме Amazon упершыню перавысілі продажы іх цьвёрдых копій.

Электронныя кнігі па-ранейшаму мала папулярная рэч у аматараў чытаньня, але ў адзін цудоўны дзень гэта прыстасаваньне можа стаць нормай жыцьця.