Скепсіс
Нарадзіўся калектыў на Нарачанскай зямлі, а дакладней у маленькім правінцыяльным гарадку, які мае назву Мядзел. Чатыры сябра (Малевіч Сяргей, Рудніцкі Сяргей, Пісарчык Андрэй і Сіманаў Яўген) ў пачатку сакавіка 2005-га года рашылі арганізаваць свой рок-гурт, каб хоць нечым заняцца ў нецывілізаваным горадзе. Тут і па-цяперашні час можна толькі піць гарэлку, курыць цыгаркі, «біць» на танцах кожнаму твар і крычаць, што нам добра жывецца… Усе гэта рэальныя бакі пазасталічнага жыцьця, эканамічнага, культурнага і сацыяльнага становішча ў нашай роднай краіне. Таму толькі працэнтаў дзесяць моладзі горада, у якія ўвайшлі і чатыры сябра, спрабавалі трошку “размаляваць” сваё жыцьцё каляровымі фарбамі.
У раёне існавала і «жывуць» цяпер некалькі гуртоў: «Цитадель», «ДА!БЛ», «Гранит» і іншыя.
Скептыкі таксама сталі на шлях гэтага цяжкага творчага накірунку 19 сакавіка 2005 г. (неафіцыйны Дзень нараджэньня гурта). Пачалі зьбіраць грошы і па-троху рэпетаваць, але больш-менш устойліва сталі на ногі толькі пасьля першага выступленьня 28 чэрвеня 2006 года і набыцьця нядрэннай апаратуры зімой 2007 года. Але гэтага ўсе роўна мала, бо ў наш час, каб хоць троху «паказацца на людзях» патрэбна шмат грошай, неблагі гуказапіс і больш выступаць на канцэртах…
Па сёньняшні дзень склад гурта не зьмяніўся, калі не лічыць, што ў пачатку 2006 года гурт знайшоў сабе бас-гітарыста. Ім аказаўся добразнаёмы ў коле музыкаў горада Закрэўскі Яўген, ці проста Джоні, які раней граў ў гурце «Цитадель», пакуль вядомы не толькі ў раёне калектыў не разыйшоўся.
Амаль за год гурт «Скепсіс» зьмяніў каля пяці рэпетыцыйных кропак, але добра прыжыўся толькі на прыватнай сядзібе па-за горадам. Гарадзкі Дом Культуры, школа не прымалі з той цеплынёй, як сядзіба, дзе можна было граць колькі захочаш, калі захочаш і не зьвяртаючы ўвагі на моц гуку…
За год хлопцы згралі ў Маладзечанскай мэдыцынскай вучэльні (першае выступленьне), у роднай школе і некалькі разоў сьпявак і лідэр-гітарыст езьдзілі ў тую ж вучэльню горада Маладзечна.
Цяпер гурт мае невялічкі лік кампазыцый, якія троху вядомыя ў блізкім асяродзьдзі сяброў і знаёмых. Рэпетуе гурт і працуе над сваім узроўнем, зьбірае па кропельках грошы на музычныя інструманты, якія ў наш час вельмі дарагія. Толькі аднымі рэпетыцыямі творчыя пляны музыкаў гурта не пракорміш. Кожны зь іх хоча перадаць сваю энэргію, эмоцыі, творчасьць другім, выступаць зь вядомымі гуртамі краіны і ня толькі. Калі толькі пачыналі, то гэта было нейкай забавай, але праз нейкі час яны не маглі ўжо існаваць без музыкі. Выпрабаваньні гурта толькі ўзмацнілі іх імкненьне граць і ствараць сваю музыку.
Матэрыял падрыхтаваў Вітаўт Самьніты
21 сакавіка 2007 года
Склад гурта:
- Сьпявак – Рудніцкі «Пот» Сяргей
- Лідэр-гітарыст – Малевіч «Мулік» Сяргей
- Бас-гітарыст – Закрэўскі «Джоні» Яўген
- Бубнач – Пісарчык Андрэй
Трэк:
Раздрукаваць | Праглядаў 3781|