Лепшы рок-альбом 2014 у тэатры: TonqiXod прэзентаваў сваю «Прадмову» вялікім сольным канцэртам

Сольны выступ TonqiXod у Рэспубліканскім тэатры беларускай драматургіі стаў не толькі добрым шоў, але пацьверджаннем уважлівай працы музычных экспертаў. Паслухаць жыўцом дэбютную працу TonqiXod «Прадмова», якую паставілі на самыя высокія пазіцыі беларускія і замежныя крытыкі сайту Experty.by, сабралася поўная заля тэатру. Эмацыйны музычны прафесіяналізм маладога гурта ўразіў здаецца кожнага, акрамя саміх музыкаў, якія паводзілі сябе на сцэне так пераканаўча, нібы граюць разам у вялікіх залях не першы дзясятак год.